July 09, 2005 | 9:15:00 PM

Sagara Kadeudeuh

Sagara Kadeudeuh

Clak….keclak…caina nyakclak
Herang ngagenyas ngawawaas
Kalangkang kuring katembong jelas
Ruak riak na balong kadeudeuh

Sakeclak…dua keclak…
Mangtaun jadi hujan.
Nguyumbang jadi sagara
Malidkeun rakit kabagja

Kanyaah anjeun nyakclak
Maseuhan hate nu
Hanaang ku kadeudeuh.
Kereket…panto hate muka
Ngajak anjeun cicing di jerona.

Ulah ingkah, ulah pindah
Banjiran kuring ku kanyaah
Duaan kokojayan na sagara salilana.


Kangge apana barudak nu mikanyaah sareng dipikanyaah salamina.

1 comments